خوْش گلیب‌سینیز :)

یازار : اورمولو

+0 Bəyən
"قرامر-سس درسلری‌"نی ترتیب ایله اوْخوماق اۆچۆن، اۆستۆنه کیلیک ائدینیز.

یازیلاریمیزی داها راحات اوْخوماق اۆچون یازی قایدالارینا باخینیز: تۆرکجه ویکی‌ده:
یازێ قۇراللارێ




ییرمی‌سککیزینجی درس: تأثیرلی و تأثیرسیز ائیلملر

یازار : اورمولو

+0 Bəyən
واسیطه‌سیز تاماملێق (مفعول) ایسته‌یَن ائیلملره تأثیرلی (مۆتعدّی) ائیلم دئییلیر. اؤرنک: گؤر(مک)، اوخو(ماق)، آل(ماق)، دئ(مک).



تأثیری ایش‌گؤرنده قالێب، واسیطه‌سیز تاماملێق ایسته‌مه‌ین ائیلملره، تأثیرسیز (لازیم) ائیلم دئییلیر. اؤرنک: گل(مک)، قاچ(ماق)، بات(ماق)، گئت(مک).


[یازێنێن بۆتونونو گؤرمک اۆچون، "ایدامه"‌سینه باخێنێز.]

Ardı (ایدامه‌سی)
آچار سؤزلر : لازم موتعدی,

ییرمی‌یئددینجی درس: ائیلمین دانماسی

یازار : اورمولو

+0 Bəyən
ایشین گؤرولدوگونو گؤسترَن ائیلملره دوغرولاما، گؤرولمه‌مه‌سینی بیلدیرَن‌لره ایسه دانما ائیلمی دئییلیر. دانما فورماسێنێن علامتی «ما ma، مه mə»دیر. بوُ علامت، بیر-باشا، اکلردن قاباق، ائیلمین کؤکونه یاپێشار. اؤرنک: یاتماماق yatmamaq، بیلمه‌مک bilmək.

اؤرنکلر:

دوغرولاما جۆمله: دۆنن آخشام داغلارا قار یاغێرمێش.

دانماسێ: دۆنن آخشام داغلارا قار یاغمایێرمێش.


دوغرولاما جۆمله: او دۆکان‌دان سیلر (پاککن) آلاجاغام.

دانماسێ: او دۆکان‌دان سیلر آلمایاجاغام.

دوغرولاما جۆمله: ایندی ائشیگه چێخمالێیام.

دانماسێ: ایندی ائشیگه چێخمامالێیام.


قایناق: قێساجێق آذربایجان تۆرکجه‌سی حاقّێندا، کۆیلۆ سعید نجّاری


آچار سؤزلر : فعلین اینکاری, eyləmin danması,

ییرمی‎‌آلتینجی درس: آناسؤز

یازار : اورمولو

+0 Bəyən
ایش، حرکت و حالێن آدێنا آناسؤز Anasöz (مصدر) دئییلیر. آناسؤز چاغ (واقت)، شخص و کمیّت بیلدیرمز. مصدرلرین مصدرلیک اکینی آتساق، قالانێنا ائیلمین کؤکو دئییلیر.

آناسؤزون علامتی قالێن سسلی ائیلملرده «ماق»، اینجه سسلی‌لرده ایسه «مک»دیر. اؤرنک: آزماق Azmaq، گۆلمک Gülmək، داشماق Daşmaq، گئتمک Getmək، توُتماق Tutmaq، گۆلومسه‌مک Gülümsəmək.

آناسؤز «نه ائتمک؟/ نه ائیله‌مک؟» «نه اولماق؟» سورغولارێنا جاواب وئرَر: نه ائیله‌مک؟ تاپماق.

آناسؤزلر آد کیمی حاللانار: گؤرمکده görməkdə، قاچماقدان qaçmaqdan.

آناسؤزلر باغلێلێق اکی قبول ائدر: دؤزمَییم/ دؤزمگیم dözməyim dözməgim، تاپماغێم tapmağım.



قایناق‌لار: قێساجێق آذربایجان تۆرکجه‌سی حاقّێندا، کۆیلۆ سعید نجّاری

معاصیر ادبی آذری دیلی، پروفسور دوقتور محمدتقی زهتابی، آشینا نشریاتی، ۱۳۷۹


آچار سؤزلر : anasöz, məsdər, مصدر,

ییرمی‌بئشینجی درس: ائیلم

یازار : اورمولو

+0 Bəyən
ایش، دوُروم و حرکت بیلدیرن سؤزلره، ائیلم (فعل) دئییلیر. تۆرکجه دیلی، ائیلم باخێمێندان، دۆنیانێن ان گؤرکملی دیللریندن‌دیر.

ائیلملرین قوُرولوشجا نوعلارێ:



1) ساده ائیلملر Sadə eyləmlər: بیر کؤکدن عیبارت اولان و بیر حرفی دگیشدیکده، آنلامێ ایتن یوخسا دگیشن ائیلملره دئییلیر. اؤرنک: گل، گئت، توُت، قال.



2) دۆزلتمه ائیلملر Düzəltmə eyləmlər: چئشیدلی سؤزلره مۆعیّن اکلر آرتێرماق‌لا دۆزلن ائیلملره دئییلیر. بوُ ائیلملری یارادان اکلر بوُنلاردێر:
  • لا، له: قارالا، ایشله، دوُزلا، جۆتله، ایکیله، یارێلا.
  • لش، لاش [اصلینده «لا، له + ش (قارشێلێق علامتی)»دیر]: آیاقلاش، بیرلش، شیرینلش، سؤزلش.
  • لان، لن [اصلینده «لا، له + ش (قارشێلێق علامتی)»دیر]: یوللان، گۆجلن، ائولن، سۆسلن، خوُمارلان، دیللن.
  • آل، ال، ل: بوشال، دۆزل، چوخال، سارال، دینجل، دوُرول.
  • آر، ار: یاشار، گؤیَر، قێزار.
  • آ، ا: یاشا، اله، بوشا، دیله.
  • اێ، ای، اوُ، اۆ: آجێ، برکی، توُرشو، تنگی.
  • وار: سووار.
  • سا: سوُسا.
  • ایمسه، اۆمسه: منیمسه، غریبسه، گۆلومسه، اؤزومسه.
  • اێلدا، ایلده، اوُلدا، اۆلده: پێچێلدا، جینگیلده، خورولدا، جۆرولده.
  • اێق، اێخ، ایک، اوُق، اوُخ: دارێخ، گئجیک، یولوخ، کارێخ.




3) مۆرکّب ائیلملر Mürəkkəb eykəmlər: بیر آدلا بیر ائیلمدن یارانان ائیلملره دئییلیر. تۆرکجه‌میزده دؤرد جۆره مۆرکب ائیلم واردێر:

i. ایدی، ایمیش (دی، میش): یازمیش اێدێم، گلمیش ایمیش،  گله‌سی ایدی، گئتمیشدی.

ii. اول، ائت، ائیله: حاضیر اول، امر ائت، ردّ ائیله.

iii. بیل: یازا بیلدیم، گئده بیلَرمیشَم.

iv. آد + ائیلم:

  •  آدلێق حالدا اولان آدلار ایله دۆزلنلر: ال چک، گؤز قوی، باش ووُر، قوُلاق آس.
  •  یؤنلوک حالدا اولان آدلار ایله دۆزلنلر: باشا دۆش، اله سال، دیله دۆش، باشا گل.

  •  چێخێشلێق حالدا اولان آدلاردان دۆزلنلر: یولدان آز، الدن سال، گؤزدن دۆش، باشدان سوو.

  •  یئرلیک حالدا اولان آدلاردان دوزلنلر: گؤزده-قوُلاقدا اول، آرخادا سۆرون.



قایناق: قێساجێق آذربایجان تۆرکجه‌سی حاقّێندا، کۆیلۆ سعید نجّاری



آچار سؤزلر : eyləm, fel,

ییرمی‌دؤردونجو درس: عوضلیکلر

یازار : اورمولو

+0 Bəyən
متن‌ده آد ایکینجی دفعه گلنده، اوْنون یئرینده اوْتوران سؤزلره عوضلیک (ضمیر) دئییلیر. گؤرَو (وظیفه) اساسێندا عوضلیکلرین آشاغێداکێ نوعلارێ واردێر:



1) شخص عوضلیکلری: بوُ عوضلیکلر بیرینجی، ایکینجی، اۆچونجو (تک، توپلو) شخصلری بیلدیریر. بوُ عوضلیکلر ایچ‌سؤز (مضمون) و آنلامجا اۆچ جۆره‌دیر:
  • اساس شخص عوضلیکلری: من mən، سن sən، اوْ o (تک)، بیز biz، سیز siz، اونلار onlar (توپلو)
  • ییه‌لیک شخص عوضلیکلری: منیم mənim، سنین sənin، اونون onun (تک)، بیزیم bizim، سیزین sizin، اونلارێن onların (توپلو)
بوُ عوضلیکلرین ایکینجی نوعو دا واردێر: منیمکی mənimki، سنینکی səninki، اونونکو onunku (تک)، بیزیمکی bizimki، سیزینکی sizinki، اونلارێنکی onlarınkı (توپلو)
  • قایێدێش شخص عوضلیکلری: ایچ‌سؤزو شخصین اؤزونه قایتاران عوضلیکلره، قایێدێش عوضلیکلری دئییلیر. ایکی جۆره‌دیر:
i) «اؤز» ایله باغلێلێق شکیلچیلریندن دۆزلنلر: اؤزوم özüm، اؤزون özün، اؤزو özü (تک)، اؤزوموز özümüz، اؤزونوز özünüz (=اؤزوز)، اؤزلری özləri (توپلو)

ii) «بیله» ایله باغلێلێق اکلریندن دۆزلنلر: بیله‌م biləm، بیله‌ن bilən، بیله‌سی biləsi (تک)، بیله‌میز biləmiz، بیله‌نیز biləniz (=بیله‌ز)، بیله‌لری bilələri (توپلو)



2) ایشاره عوضلیکلری: بوُ عوضلیکلرین ان چوخ ایشلَنَنلری بوُنلاردێر: بوُ bu، او o، بئله belə، ائله elə، همین həmin، هامان haman.



3) سورغو عوضلیکلری: آزربایجان تۆرکجه‌سینده سورغو عوضلیکلری بونلاردیر: کیم؟ kim، نه؟ nə، هانسێ؟ hansı، هاچان؟ haçan (=هاواقت؟)، نئچه؟ neçə، نئجه؟ necə، نه واقت؟ nə vaqt، نه زامان؟ nə zaman، هانێ؟ hanı، هایان؟ hayan



4) غئیری-مۆعیّن عوضلیکلر: غئیری-مۆعیّن شخصلر یوخسا شئیلری بیلدیرمک اۆچون غئیری-مۆعیّن عوضلیکلر ایشلَنَر. بوُ عوضلیکلرین نوعلارێ آشاغێداکێلاردێر:
  • کیمی kimi، کیمیسی kimisi، کیمسه kimsə، کیمی ایسه kimi isə، هر کس hər kəs (=هر کیم)، هئچ کس heç kəs (=هئچ کیم)، ...
  • بیری biri، بیریسی birisi، هر بیری hər biri، هئچ بیری heç biri، هئچ بیر heç bir، هر بیر hər bir، ...
  • نه ایسه nə isə، هئچ نه heç nə، هر نه hər nə، نه‌یینسه nəyinsə، نه‌یه‌سه nəyəsə، ...
  • هئچ کس heç kəs، هر کس hər kəs، بیر کس bir kəs، هر بیر کس hər bir kəs، هئچ بیر کس heç bir kəs، هر زاد hər zad، هئچ زاد heç zad، بیر زاد bir zad، هر بیر زاد hər bir zad، هئچ بیر زاد heç bir zad، فیلان‌کس filankəs، ...
  • نئچه‌سی neçəsi، بعضی bə`zi، بعضیسی bə`zisi، بعضیلری bə`ziləri، هامێ hamı، هامێسێ hamısı، ...



5) تعیین عوضلیکلری: بوُ عوضلیکلر، جۆمله‌ده آددان قاباق گله‌رک اونلارێ تعیین ائدر. اونلارێن ان چوخ ایشلننلری بوُنلاردێر: هر hər، بۆتون bütün، عئینی eyni،
فیلان filan، ...




قایناق: قێساجێق آذربایجان تۆرکجه‌سی حاقّێندا، کۆیلۆ سعید نجّاری

[جدوللری ده گؤرمک اۆچون، یازێنێن ایدامه‌سینه باخێنێز.]


Ardı (ایدامه‌سی)
آچار سؤزلر : əvəzliklər, zəmirlər, ضمیرلر,

تر، ترین؟!

یازار : اورمولو

+0 Bəyən
"صیفتلرین درجه‌سی" درسینی نظرده توُتاراق، ایران تۆرکلری‌نین دانێشێغێندا آیدێن بیر یانلێشلێغا راست گلیریک: «تر، ترین». بیلدیگیمیز کیمی، تۆرکجه‌ده اۆستونلوک علامتی «تر، ترین» دئییل‌دیر. اؤرنک ایله بوُ مسأله‌نی آچێقلایێرێق:

  • یانلێش  یاخشێتر اولا بیلیر.
  • دۆزگون  داها یاخشێ اولا بیلیر.
  • دۆزگون  یاخشێراق اولا بیلیر.

  • یانلێش  بؤیوکترین ایشی گؤروبسن.
  • دۆزگون  لاپ بؤیوک ایشی گؤروبسن.
  • دۆزگون  ان بؤیوک ایشی گؤروبسن.

  • یانلێش  بوُ پالتار او بیری‌سیندن قێساتردیر.
  • دۆزگون  بوُ پالتار او بیری‌سیندن قێسادێر.
[بوردا «دن» شکیلچی‌سی، خاصیتی آز اولان آدێ بیلدیریر؛ «داها» شکیلچی‌سینه احتیاج یوخدور.]

Ardı (ایدامه‌سی)
آچار سؤزلر : تورکجه نی قورویاق, فاذری,

ییرمی‌اوچونجو درس: سای

یازار : اورمولو

+0 Bəyən
شئیلرین میقدارێنێ، سایێنێ بیلدیرن سؤزلره سای دئییلیر. آزربایجان تۆرکجه‌سینده دؤرد جۆر سای واردیر:

1) میقدار سایلارێ Miqdar sayları:
  • ساده سایلار Sadə saylar: بیردن اوناچان (1-10)، اونلوق‌لار، یۆز، مین، میلیون و میلیارد سایلارێ ساده‌دیر.
  • مۆرکّب سایلار Mürəkkəb saylar: ایکی و داها آرتێق کلمه ایله ایفاده اولونان سایلارا، مۆرکّب سای دئییلیر. اؤرنک: اون بئش، یۆز دوققوز.



2) سێرا سایلارێ Sıra sayları: بوُ سایلار، شئیلرین سێراسێنێ بیلدیریر. بوُ سایلار، میقدار سایلارێنا دؤردچئشیدلی «اێنجێ، اینجی، اوُنجو، اۆنجو» شکیلچیلرینی آرتێرماق ایله دۆزَلیر. اؤرنک: آلتێنجێ (6-جێ)، بیرینجی (1-جی)، دوققوزونجو (9-جو)، اۆچونجو (3-جۆ).



3) کسر سایلارێ Kəsr sayları: بوُ سایلار بۆتون بیر سایێن مۆعیّن میقدارێنێ بیلدیریر. اؤرنک: 5/100 یۆزده بئش، 2/7 4 دؤرد تام و یئددی‌ده ایکی، 7.3 یئددی تام و اون‌دا اۆچ.



4) غئیری-مۆعیّن سایلار Qeyri-müəyyən saylar: بوُ سایلار تام غئیری-مۆعیّن بیر میقدارێ نظرده جانلاندێرێر. بوُ سایلار «آز، چوخ، خئیلی، بیر قدر، بوُ قدر، چوخلو، ...» کیمی سؤزلردیر. اؤرنک: چوخلو سؤزلر بیلیر. آزدان-چوخدان تاپیب یئدیک.

قایناق‌لار: قێساجێق آذربایجان تۆرکجه‌سی حاقّێندا، کۆیلۆ سعید نجّاری

معاصیر ادبی آذری دیلی، پروفسور دوقتور محمدتقی زهتابی، آشینا نشریاتی، ۱۳۷۹

Ardı (ایدامه‌سی)
آچار سؤزلر : say,

ییرمی‌ایکینجی درس: صیفتلرین درجه‌سی

یازار : اورمولو

+0 Bəyən
چاغداش آزربایجان تۆرکجه‌سینده صیفتین آلتێ درجه‌سی واردێر:

1) عادی درجه: بوُ  درجه‌ده اولان صیفتلر، شئیلرین علامتی‌نی عادی شکیلده بیلدیریر. اؤرنک: یاشێل، چالێشقان، یاخشێ، اوُجاب
وْی.



2) قارشێلاشدێرما (مۆقاییسه) درجه‌سی: بوُ درجه ایکی ویا چوخ شئیده ا
وْلان عئینی کئیفیّتی قارشێلاشدێرێر. بوُ درجه‌نین علامتی اۆچ جۆرهدیر:
  • راق raq، رک rək: یاخشێراق yaxşıraq، سرینرک sərinrək.
  • دان dan، دن dən: بوُ شکیلچیلر صیفتلره آرتێرێلمایێر، بلکه ایکی آددان، کئیفیّتی آز اولانا علاوه اولونور: یوُخو بالدان شیرین‌دیر.
  • داها daha: داها یاخشێ، داها سرین.



3) اۆستونلوک درجه‌سی: بوُ درجه ایله، بیر کئیفیّت، عادی درجه‌دن اۆستون گؤستریلیر (گؤرسدیلیر). بوُ درجه‌نین علامتلری «ان ən، چوخ çox، لاپ lap، اولدوقجا olduqca»دێر کی صیفتین باشێنا آرتێرێلێر. اؤرنک: ان گؤزل، لاپ گؤزل، چوخ س
وْیوق، اولدوقجا یاخشێ.



4) شیدّت‌لندیرمه درجه‌سی: بوُ درجه، صیفتین تعیین‌لیک درجه‌سینی شیدّتلندیریر. بوُ فورمادا، صیفتین ایلک هئجاسی‌نین سسلی‌سیندن سونرا «م m، پ p، س s، ر r» سس‌سیزلریندن بیری گلیب، سونرا صیفتین اؤزو بۆتون شکیلده گلیر. اؤرنک: ب
وْم‌بوْش، ساپ‌سارێ، قێپ‌قێرمێزێ، دۇپ‌دۇرو، بام‌باشقا، قاپ‌قارا، یام‌یاشێل، گؤم‌گؤی، قاپ‌قارانلێق.



5) کیچیلتمه درجه‌سی: بوُ درجه، شئیلرده‌کی علامت، صیفت و کئیفیّتین عادی درجه‌سیندن آز اولدوغونو بیلدیریر. بوُ درجه‌نین شکیلچی‌لری آشاغێداکێلاردێر:
  • اێمتێل ımtıl، ایمتیل imtil، اوُمتول umtul، اۆمتۆل ümtül: سارێمتێل، ماویمتیل، بوْزومتول، گؤیۆمتۆل.
  • سوْو sov: اۇزونسوْو، دلی‌سوْو.
  • تَهَر təhər: سارێتهر، اوُزون‌تهر.
  • اێمتێراق ımtıraq: قێرمێزێمتێراق، آغێمتێراق.
  • آلا ala: آلا قارانلێق، آلا یارێمچێق.
  • شێن şın: آغ‌شێن، قاراشێن.
  • آچێق açıq: آچێق قارا، آچێق سارێ.



6) چوخالتما درجه‌سی: صیفتین بوُ درجه‌سینده کئفیّت، علامت و صیفتین میقداری، عادی درجه‌یه نیسبت یا آرتێر یا دا آزالێر. بوُ درجه‌نین علامتی «جا ca، جه cə» شکیلچیسی‌دیر: بالاجا، یاخشی‌جا، قاراجا، کؤرپه‌جه، یئکه‌جه.

قایناق‌لار: قێساجێق آذربایجان تۆرکجه‌سی حاقّێندا، کۆیلۆ سعید نجّاری

معاصیر ادبی آذری دیلی، پروفسور دوقتور محمدتقی زهتابی، آشینا نشریاتی، ۱۳۷۹

Ardı (ایدامه‌سی)
آچار سؤزلر : sifətlərin dərəcəsi,

ییرمی‌بیرینجی درس: صیفت

یازار : اورمولو

+0 Bəyən
آدلارێن نئجه‌لیگی‌نی بیلدیرَن سؤزلره، "صیفت sifət" دئییلیر.

تۆرکجه دیلینده: 1. صیفت آددان قاباق گلر: گؤزل قێز، قێزێل آلما، سولدوزلو ایگید.

2.صیفت خبر اولسا، آددان سونرا گلر: ستّار قورخماز اێدێ.


صیفتلرین قوُرولوشجا نوعلارێ:

1) ساده صیفتلر Sadə sifətlər: بیر کؤکدن عیبارت اولار.
  • بویا(رنگ) Boya: آغ، یاشێل، گؤی.
  • نه‌جۆرلوک Nəcürlük: یاخشێ، پیس.
  • اؤلچو و حجم Ölçü və həcm: اوجا، قێسا، نارێن.
  • داد Dad: تورش، آجێ، ایتی.
  • اۆزونده‌کی علامت Üzündəki əlamət: شیل، قوجا، گنج.
  • ایستی‌لیک و آغێرلێق İstilik və ağırlıq: سرین، یۆنگول، اێلێق، آغێر، قاینار

      ...

[یازێنێن بۆتونونو گؤرمک اۆچون، "ایدامه"‌سینه باخێنێز.]


Ardı (ایدامه‌سی)
آچار سؤزلر : sifət,