تر، ترین؟!
یازار : اورمولو
+0 Bəyən
"صیفتلرین درجه‌سی"
درسینی نظرده توُتاراق، ایران تۆرکلری‌نین دانێشێغێندا آیدێن بیر
یانلێشلێغا راست گلیریک: «تر، ترین». بیلدیگیمیز کیمی، تۆرکجه‌ده اۆستونلوک
علامتی «تر، ترین» دئییل‌دیر. اؤرنک ایله بوُ مسأله‌نی آچێقلایێرێق:
- یانلێش
یاخشێتر اولا بیلیر.
- دۆزگون
داها یاخشێ اولا بیلیر.
- دۆزگون یاخشێراق اولا بیلیر.
- یانلێش بؤیوکترین ایشی گؤروبسن.
- دۆزگون لاپ بؤیوک ایشی گؤروبسن.
- دۆزگون ان بؤیوک ایشی گؤروبسن.
- یانلێش بوُ پالتار او بیری‌سیندن قێساتردیر.
- دۆزگون بوُ پالتار او بیری‌سیندن قێسادێر.
