ییرمی‌یئددینجی درس: ائیلمین دانماسی
یازار : اورمولو
+0 Bəyən
ایشین گؤرولدوگونو گؤسترَن ائیلملره دوغرولاما، گؤرولمه‌مه‌سینی بیلدیرَن‌لره ایسه دانما ائیلمی دئییلیر. دانما فورماسێنێن علامتی «ما ma، مه mə»دیر. بوُ علامت، بیر-باشا، اکلردن قاباق، ائیلمین کؤکونه یاپێشار. اؤرنک: یاتماماق yatmamaq، بیلمه‌مک bilməmək.
اؤرنکلر:
دوغرولاما جۆمله: دۆنن آخشام داغلارا قار یاغێرمێش.
دانماسێ: دۆنن آخشام داغلارا قار یاغمایێرمێش.
دوغرولاما جۆمله: او دۆکان‌دان سیلر (پاککن) آلاجاغام.
دانماسێ: او دۆکان‌دان سیلر آلمایاجاغام.
دوغرولاما جۆمله: ایندی ائشیگه چێخمالێیام.
دانماسێ: ایندی ائشیگه چێخمامالێیام.
اؤرنکلر:
دوغرولاما جۆمله: دۆنن آخشام داغلارا قار یاغێرمێش.
دانماسێ: دۆنن آخشام داغلارا قار یاغمایێرمێش.
دوغرولاما جۆمله: او دۆکان‌دان سیلر (پاککن) آلاجاغام.
دانماسێ: او دۆکان‌دان سیلر آلمایاجاغام.
دوغرولاما جۆمله: ایندی ائشیگه چێخمالێیام.
دانماسێ: ایندی ائشیگه چێخمامالێیام.
قایناق: قێساجێق آذربایجان تۆرکجه‌سی حاقّێندا، کۆیلۆ سعید نجّاری
