اوتوزدؤردونجو درس: ائیلملیک باغلامالار

یازار : اورمولو

+0 Bəyən
۱) ـێب٬ ـیب٬ ـۇب٬ ـۆب (یێب٬ ییب٬ یۇب٬ یۆب): اوْ کیشی قۇرتارمایێب قوْیوب گئتدی.

۲) ـاندا٬ ـَنده: من گئدنده سله‌نی آپارارام.

۳) ـارکن٬ ـَرکن [اصلینده آد + ایکن] (یارکن٬ یَرکن٬ ـێرکن٬ ـیرکن٬ ـۇرکن٬ ـۆرکن٬ یێرکن٬ ییرکن٬ یۇرکن٬ یۆرکن٬ مێش‌کن٬ میش‌کن٬ مۇش‌کن٬ مۆش‌کن): گئجه یاتماغا حاضێرلاشارکن گؤی قۇرولدادێ.

۴) ـدێق‌دا٬ ـدیک‌ده٬ ـدۇق‌دا٬ ـدۆک‌ده: رییس ایچری گیردیکده هامێ آیاغا قالخدێ.

۵) ـێن‌جا٬ ـین‌جه٬ ـۇن‌جا٬ ـۆن‌جه (یێن‌جا٬ یین‌جه٬ یۇن‌جا٬ یۆن‌جه): آنا٬ عسگر گئدن اوْغلو گؤزدن ایتینجه ائوه سارێ دؤنمه‌دی.

۶) ـالێ، ـه‌لی (یالێ، یه‌لی): سیزین یئرینیزه قوْناق گله‌لی٬ حالێم دۆزلیب‌دیر.

۷) ـمادان٬ ـمه‌دن: چالمادان اوْینایێر.

۸) ـمێش٬ ـمیش٬ ـمۇش٬ ـمۆش: اؤیرتمن (مۆعلّیم) درسی قۇرتارمامێش زنگ چالێندێ.

[بۇ درسی چوْخ اؤنملی اوْلدوغونا گؤره٬ سوْنرالار داها آرتێق آچێقلایاجاغێق.]

قایناق: قێساجێق آذربایجان تۆرکجه‌سی حاقّێندا، کۆیلۆ سعید نجّاری


آچار سؤزلر : فعللیک باغلامالار,