سون درس: ظرف
یازار : اورمولو
+0 Bəyən
جۆمله‌لر ایچینده‌کی ایشین نئجه ایجرا اوْلونماسێنێ٬ ایجرا اوْلوندوغو زامانی٬ یئری٬ سببی٬ ... بیلدیرن سؤزلره ظرف دئییلیر.
۱) حرکت طرزی ظرفلری: بۇ ظرفلر «نئجه؟٬ نه‌جۆر؟٬ نه حالدا؟»یا جاواب وئرن ظرفلردیر.
۱) حرکت طرزی ظرفلری: بۇ ظرفلر «نئجه؟٬ نه‌جۆر؟٬ نه حالدا؟»یا جاواب وئرن ظرفلردیر.
- ساده ظرفلر: دۆز٬ تئز٬ دیک٬ یاواش٬ ...
- دۆزلتمه ظرفلر: برکدن٬ ترسینه٬ شیدّت‌له٬ ایگیدجه‌سینه٬ یاواشجا٬ دانێشماز٬ ...
- مۆرکّب ظرفلر: دالبادال٬ بیردن-بیره٬ ال-اله٬ ...
۲) زامان ظرفلری:
- ساده ظرفلر: دۆنن٬ ایندی٬ ...
- دۆزلتمه ظرفلر: هله‌لیک٬ اؤنجه٬ آخشامدان٬ ...
- مۆرکّب ظرفلر: تئز-تئز٬ اوْ گۆن٬ آخشام باشێ، ...
۳) یئر ظرفلری:
- ساده ظرفلر: آرخا٬ یان٬ ...
- دۆزلتمه ظرفلر: یاخێن‌لێق‌دا٬ اوْرتالێغا٬ ...
- مۆرکّب ظرفلر: اوْردا٬ بۇردا٬ بۇ ائوده٬ هر یاندان٬ بیر یاندا٬ ...
۴) مقیدار ظرفلری:
- ساده ظرفلر: آز٬ چوْخ٬ ...
- دۆزلتمه ظرفلر: بۆتون‌لوک‌له٬ دفعه‌لرله٬ آرشێنجا٬ آزدان٬ ...
- مۆرکّب ظرفلر: آز-آز٬ بیر-بیر٬ بیر آغێز٬ ...
قایناق: قێساجێق آذربایجان تۆرکجه‌سی حاقّێندا، کۆیلۆ سعید نجّاری
