اوتوزبیرینجی درس: فعللرده بیتیشن شخص عوضلیکلری
یازار : اورمولو
+0 Bəyən
۱. بیرینجی تک شخص: بۇ شخصین علامتی «م m»دیر. اؤرنک: یازدێم٬ گؤرورم.
۲. بیرینجی توْپلو شخص: بۇ شخصین علامتی «ق ٬q ک k»دیر. اؤرنک: یازدێق٬ گؤردوک٬ باخێرێق٬ گله‌سی‌ییک.
۳. ایکینجی تک شخص: بیتیشن شخص عوضلیگی بۇ شخص‌ده٬ «ن٬ n سن sən/ سان san»دێر. اؤرنک: قالدێن٬ گلدین٬ گؤرهسن٬ قالمالێسان.
شۆهودی کئچمیش٬ ایندیکی چاغ٬ قطعی گله‌جک چاغ٬ غئیری-قطعی گله‌جک چاغ٬ لازێم شکیل٬ ایلتیزام-آرزو فوْرماسی و واجیب فوْرماسێندا٬ ایکینجی شخص عوضلیگی «سن/ سان»دێر. اؤرنک: گؤرموش‌سن٬ گؤرورسن٬ گؤره‌جک‌سن٬ گؤرَرسن٬ گؤره‌سی‌سن٬ گرک گؤرهسن٬ گؤرمه‌لی‌سن.
۴. ایکینجی توْپلو شخص: بیتیشن شخص عوضلیگی بۇ شخص‌ده٬ «ز ٬z سێنێز[سێز] sınız/ سینیز[سیز] siniz»دیر. اؤرنک: یازدێز٬ گؤردۆز٬ گله‌جک‌سینیز٬ گؤرموش‌سۆنوز.
ائیلمین کؤکو سس‌سیزله بیتنده٬ بۇیوروق فوْرماسێندا٬ بیتیشن شخص عوضلیگی دؤردچئشیدلی «ێن ın، ین ٬in ۇن ٬un ۆن ün» ویا دؤردچئشیدلی «ێز ٬ız یز ٬iz ۇز ٬uz ۆز üz» اولار. اؤرنک: گلین = گلیز٬ باخێن = باخێز. [یازێلاردا احترام اۆچون: باخێنێز٬ گلینیز]
۵. اۆچونجو تک شخص: بۇ شخصین٬ ایندیکی چاغدا٬ بیتیشن شخص عوضلیگی اوْلماز. آمّا باشقا چاغلاردا بئله اوْلار:
۲. بیرینجی توْپلو شخص: بۇ شخصین علامتی «ق ٬q ک k»دیر. اؤرنک: یازدێق٬ گؤردوک٬ باخێرێق٬ گله‌سی‌ییک.
۳. ایکینجی تک شخص: بیتیشن شخص عوضلیگی بۇ شخص‌ده٬ «ن٬ n سن sən/ سان san»دێر. اؤرنک: قالدێن٬ گلدین٬ گؤرهسن٬ قالمالێسان.
شۆهودی کئچمیش٬ ایندیکی چاغ٬ قطعی گله‌جک چاغ٬ غئیری-قطعی گله‌جک چاغ٬ لازێم شکیل٬ ایلتیزام-آرزو فوْرماسی و واجیب فوْرماسێندا٬ ایکینجی شخص عوضلیگی «سن/ سان»دێر. اؤرنک: گؤرموش‌سن٬ گؤرورسن٬ گؤره‌جک‌سن٬ گؤرَرسن٬ گؤره‌سی‌سن٬ گرک گؤرهسن٬ گؤرمه‌لی‌سن.
۴. ایکینجی توْپلو شخص: بیتیشن شخص عوضلیگی بۇ شخص‌ده٬ «ز ٬z سێنێز[سێز] sınız/ سینیز[سیز] siniz»دیر. اؤرنک: یازدێز٬ گؤردۆز٬ گله‌جک‌سینیز٬ گؤرموش‌سۆنوز.
ائیلمین کؤکو سس‌سیزله بیتنده٬ بۇیوروق فوْرماسێندا٬ بیتیشن شخص عوضلیگی دؤردچئشیدلی «ێن ın، ین ٬in ۇن ٬un ۆن ün» ویا دؤردچئشیدلی «ێز ٬ız یز ٬iz ۇز ٬uz ۆز üz» اولار. اؤرنک: گلین = گلیز٬ باخێن = باخێز. [یازێلاردا احترام اۆچون: باخێنێز٬ گلینیز]
۵. اۆچونجو تک شخص: بۇ شخصین٬ ایندیکی چاغدا٬ بیتیشن شخص عوضلیگی اوْلماز. آمّا باشقا چاغلاردا بئله اوْلار:
- شۆهودی کئچمیش: گۆلدۆ٬ گلدی.
- اۇزاق کئچمیش: بیلمیش ایدی.
- غئیری-قطعی گله‌جک: ساتار٬ گلر.
- ایلتیزام٬ آرزو: گرک ساتا٬ گرک بیله.
- شرط: یازسا٬ گئتسه.
ائیلمین قالان چاغلارێندا٬ بۇ شخصین عوضلیگی دؤردچئشیدلی «دێر ٬dır دیر ٬dir دۇر ٬dur دۆر dür»دن عیبارت‌دیر. اؤرنک: اۇساناجاق‌دیر٬ گئتمه‌مه‌لی‌دیر٬ پوْزموش‌دۇر٬ گؤرموش‌‌دۆر.
۶. اۆچونجو توْپلو شخص: بۇ شخصین بیتیشن شخص عوضلیگی یالنێز «لار ٬lar لر lər»دیر. اؤرنک: گلدی‌لر٬ یازدێلار٬ گئتمه‌مه‌لی‌دیرلر٬ قالسێن‌لار.
قایناق: قێساجێق آذربایجان تۆرکجه‌سی حاقّێندا، کۆیلۆ سعید نجّاری
